Главная

Директорлар кеңесі

Ракишев Кеңес Хамитұлы

Директорлар кеңесінің Төрағасы

2000 ж. Қазақ мемлекеттік басқару академиясын, ал 2002 ж. – Т.Рысқұлов атындағы Қазақ экономикалық университетін тәмамдап, заңгер, экономист мамандықтарын алған. Oxford Saïd Business School (2007 ж., Advanced Management пәні бойынша) және London Business School (2007 ж., Developing Strategy for Value Creation пәні бойынша) бизнес мектептерін тәмамдағандығы туралы сертификаттарға ие.
1998 – 1999 жж. Қазақстанның ІІМ қарасты Жол қозғалысының қауіпсіздігі қорында кеңесші қызметін атқарған. 2000 ж. «ТұранӘлем Банкі» ААҚ оқу орталығының маманы, «КазТрансГаз» ЖАҚ менеджері қызметтерін атқарған.
2000 – 2002 жж. «Intergas Central Asia» ЖАҚ Материалды-техникалық жабдықтау департаментінің маманы, Маркетинг бөлімінің бастығы қызметтерін атқарған. 2002 ж. «КазТрансГаз» ЖАҚ ЖЭЖ басқармасының бастығы қызметіне ауысқан.
2003 ж. «ҚазМұнайГаз» Сауда үйі» ЖШС экспорт жөніндегі Бас директордың орынбасары болып жұмыс істеген. 2003 – 2004 жж. – «КазТрансГаз» АҚ Маркетинг жөніндегі Бас директордың орынбасары. 2004 – 2005 жж. «Меркурий» ЖШС Бас директор қызметін атқарған.
2005 ж. бастап ҚР СӨП (Сауда-өнеркәсіптік палатасы) Одағының Вице-президенті болып табылады. «Выборгский судостроительный завод» АҚ, «Астраханский Корабельный завод» ААҚ, «Kazakhstan Petrochemical Industries» АҚ Директорлар кеңесінің құрамына кіреді. «Атамекен» Одағы» ҰЭП бизнес-қауымдастығы президиумының мүшесі болып табылады.
2006 ж. бастап «SAT & Company» АҚ Директорлар кеңесін басқарады. 2012 ж. бастап Net Element International америкалық жоғары технологиялы компанияның Директорлар кеңесінің Төрағасы болып табылады. 2013 жылғы желтоқсаннан бастап Central Asia Metals plc (CAML) Атқарушы емес директоры қызметіне тағайындалған.

2014 жылғы 14 ақпанда «БТА Банкі» АҚ Директорлар кеңесінің Төрағасы қызметіне тағайындалды.

Ян Петер Шелленбергер

Директорлар кеңесінің мүшесі – тәуелсіз директор

Германия, Саксония жері, Мариенберг қ. туылған.

1993 ж. Мәскеу қ., Мәскеу Мемлекеттік Халықаралық қатынастар Институтының Халықаралық қатынастар факультетін үздік тәмамдаған.

1993–1998 жж. Франкфурт-на-Майне қаласындағы Commerzbank AG орталық офисінде ТМД елдерінің қаржылық институттарымен жұмыс жүргізу бөлімшесінің клиенттік менеджер қызметін атқарған.

1998–1999 жж. Мәскеу қ. Commerzbank AG Өкілдігі басшысының орынбасары болды. РФ 1998ж. қаржылық дағдарыстан кейінгі активтерді қайтару бойынша банктің жұмысын үйлестірді.

1999 ж. Мәскеу қ. Commerzbank AG Өкілдігінің басшысы қызметін және осы қызметті 2002 жылға дейін атқарды.

2001–2001 жж. – Мәскеу қ. Неміс Экономикасы Одағының Басқарма мүшесі.

2003–2005 жж. Франкфурт-на-Майне қ. Commerzbank AG ТМД елдерінің қаржылық институттарымен жұмыс жүргізу департаменті директорының орынбасары қызметінде болды.

2006 – 2015 жж. - Амстердам қ., Амстердам Сауда Банкінің Корпоративтік клиенттерімен жұмыс жүргізу департаментінің директоры болды.

2011 – 2015 жж. – Мәскеу қ., АТБ Лизинг компаниясының Директорлар кеңесінің мүшесі.

2015 жылғы 24 желтоқсаннан бастап тәуелсіз директор ретінде «БТА Банкі» АҚ Директорлар кеңесінің мүшесі қызметіне сайланды.

Бейбит Турсынбекович Апсенбетов

БІЛІМІ:

Ленинград Мемлекеттік Университетінің түлегі, политэкономия факультетінің үздік дипломына ие. Пенсильвания университеті Уортон бизнес мектебінің Бірігу және қосылу курсын тәмамдаған.

ЖҰМЫС ТӘЖІРИБЕСІ:

Deloitte&Touche компаниясының серіктесі ретінде басқарушылық кеңес беру қызметімен айналысқан, Қазақстандағы Deloitte&Touche филиалының Бас директоры қызметін атқарған. Іске асырылған жобаларының арасында – Карметті жекешелендіру, Павлодарлық МӨЗ бағалау, ККБ мен ҚР Ұлттық жинақтау банкін біріктіру, Тұранбанкті диагностикалық зерттеу, Казкоммерцбанк үшін бөлшектік стратегияны әзірлеу.

Қаржы секторында өз мансабын Алматы қор биржасының вице-президенті қызметінен бастаған. Қазақстанның сертификатқа ие аудиторы болып табылады.

Казкоммерцбанкте корпоративтік кредиттеу мәселесі, сондай-ақ, «Москоммерцбанк» КБ (ААҚ), «Казкоммерцбанк Кыргызстан» ААҚ және «Казкоммерцбанк Таджикистан» ЖАҚ сияқты еншілес банктердің жұмысы бойынша жетекшілік еткен.

2015 жылғы 24 желтоқсаннан бастап «Казкоммерцбанк» АҚ өкілі ретінде «БТА Банкі» АҚ Директорлар кеңесінің мүшесі қызметіне сайланды.

Калима Сангереевна Косунова

Директорлар кеңесінің мүшесі – тәуелсіз директор

1982 жылы Алма-Ата қаласы, С.М.Киров атындағы Қазақ Мемлекеттік Университетін философиялық-экономикалық факультетінің политэкономия бөлімшесі «Экономист, политэкономия оқытушысы» мамандығы бойынша үздік тәмамдаған.

1991 жылы Алма-Ата халық шаруашылығы институтының аспирантурасын тәмамдап, экономика ғылымдарының кандидаты ғылыми дәрежесін алған.

Еңбек жолын 1982 жылы ВАСХНИЛ БО экономист қызметінен бастаған. 1984 жылдан 1997 жылға дейін Алма-Ата халық шаруашылығы институтының политэкономия кафедрасында, Қазақ Басқару Академиясының экономикалық теория кафедрасында оқытушы, политэкономия кафедрасының доценті қызметтерін атқарған.

2000 жылдан 2003 жылға дейін «Н.Назарбаев білім беру қоры» Қоғамдық қорында экономист қызметінде болған.

2013-2015 жылдары «Интергаз Центральная Азия» АҚ Бас менеджер, Департамент директорының орынбасары, «КазРосГаз» ЖШС - Бас менеджер қызметтерін атқарған.

2015 жылғы 24 желтоқсаннан бастап тәуелсіз директор ретінде «БТА Банкі» АҚ Директорлар кеңесінің мүшесі қызметіне сайланды.

* 2008ж. 24 қаңтар күні «ТұранӘлем Банкі» АҚ атауы «БТА Банкі» АҚ болып өзгертілді.

24.01.2008ж. Қазақстан Республикасының Әділет министрлігімен берілген Заңды тұлғаны мемлекеттік қайта тіркеу туралы анықтама